Contact ထဲမှာ နောက်ဆုံးထည့်ခဲ့တဲ့ contact ကို ပြန်ရှာခြင်း

ဒါကတော့ အခုမနက် တိုင်ပတ်သွားတဲ့ ကိစ္စပေါ့။ အခန်းမှာ ပလပ်ပေါက် မကောင်းတော့ မီးဆရာ ခေါ်ပြီးပြင်ဖို့ လိုလာတယ်။ အဲ့မီးဆရာရဲ့ ဖုန်းနံပတ်လည်း ပြီးခဲ့တဲ့အပတ်က မှတ်ထားပြီးသား။ အခုပြန်ရှာတော့ မတွေ့တော့ဘူး။ ဘယ်လို နာမည်နဲ့ မှတ်ထားခဲ့မှန်း မေ့သွားပြီ :laugh:

ကံကောင်းတာ တစ်ခုက Google Account နဲ့ ချိတ်ထားတာ ဆိုတော့ Google က တစ်ခုခုများ ကူညီနိုင်မလားပေါ့။ လိုက်ရှာကြည့်ရတယ်။

ထုံးစံအတိုင်း Google

မ Google ခင်မှာ ဖုန်းထဲက Contact App ထဲမှာ Sorting ဘာညာသာရကာများ ပါမလဲ ကြည့်ကြည့်သေးတယ်။ မပါဘူး။ ဒီတော့လည်း ရှာကြည့်တော့ Quora မှာ တစ်ယော်ကဖြေထားတာ တွေ့တယ်။ Google App Script သုံးရင်သုံး ဒါမှမဟုတ် OAuth 2.0 Playground သုံးတဲ့။ Google App Script က ထပ်ဖတ်နေရဉီးမှာမို့လို့ Playground မှာပဲ အလွယ်စမ်းမယ်ပေါ့။ ဒါနဲ့ ဝင်လိုက်တယ်။

https://developers.google.com/oauthplayground

ကိုယ်သုံးချင်တဲ့ service ရွေးပေးရတယ်။ အခုက Contact တွေ ရှာမှာဆိုတော့ Contact v3.0 ကို ရွေးလိုက်တယ်။ နောက်တဆင့်ကတော့ Query

https://www.google.com/m8/feeds/contacts/default/full?max-results=500&start-index=1&orderby=lastmodified&sortorder=descending

ဒီအတိုင်း run လိုက်ရင် xml နဲ့ ကိုယ့် contact စာရင်း ကျလာလိမ့်မယ်။ အဲ့မှာ Ctl+F နှိပ်ပြီး ကိုယ့် သိချင်တဲ့ ရက်စွဲကို ရိုက်ထည့် ရှာရုံပဲ။

အဆင်ပြေသွားတယ် ဆိုရမှာပေါ့။ နာရီဝက်လောက်တော့ ကြာသွားတယ်။ နောက်များ Contact မှတ်ရင် သေချာ မှတ်မှတ်သားသား မှတ်ဖို့လိုတယ်လို့ အောက်မေ့မိတယ်။