Journey to the West , Part 1, Begining
· Aung Ko Man
Journey to the West , Part 1, Begining
ပထမဆုံးအကြိမ် နိုင်ငံခြားကို ပညာတော်သင် သွားခဲ့တဲ့ ခရီးသွားမှတ်တမ်းပဲ ဆိုပါဆို့။ ငယ်ငယ်က ဖေဖေ မန်းလေး ကနေ ဗန်းမော်ကို သင်္ဘောနဲ့ ခရီးသွားတော့ ရေးထားတဲ့ ခရီးသွားမှတ်တမ်းကို ဖတ်ပြီး ကိုယ်လည်း အဲ့ခရီးကို မသွားဘူးပါပဲနဲ့ ကိုယ်တိုင်ခရီးသွားရသလို ခံစားရတယ်။ ဒီတော့ အခု ခရီးသွား မှတ်တမ်းသည်ကို ကျွန်တော့ရဲ့ ချစ်ရတဲ့သူတွေ ဖတ်တဲ့အခါ ကျွန်တော် နဲ့ အတူတူ ခရီးသွားရသလို ခံစားရမယ်လို့ မျှော်လင့်ပါတယ်။
What When Where Why Who
အိန္ဒိယ နိုင်ငံကို ပညာတော်သင် သွားဖို့ အတွက် ခြောက်ယောက်ရွေးပြီး အဲ့ထဲက (၃) ယောက်သွားရမယ်ပေါ့။ ဉီးစားပေး (၃) ယောက်၊ အရန် (၃) ယောက် ဆိုပါတော့။ ကိုယ်က အရန် အနေနဲ့ nomination ဝင်တယ် ပြောရမယ်။ ပညာတော်သင် သွားမယ်ဆိုရင် ထုံးစံအတိုင်း Medical Checkup တွေ ဘာတွေလုပ်၊ အင်္ဂလိပ်စာ ဆန်းစစ် ( IELTS ) ဖြေစတာတွေ လုပ်ရတယ်။ ဒီမှာ Band Score က ကံကောင်းထောက်မပြီး သွားဖြေတဲ့သူတွေထဲမှာ အများဆုံး ဖြစ်နေတော့ အကြီးအကဲတွေက အမြင်မတော်တာနဲ့ အရန်ကနေ ဉီးစားပေး စာရင်းထဲ ရောက်သွားတယ်။
Passport , Visa စသည်ဖြင့် စာရွက်စာတမ်း ကိစ္စတွေ တစ်ပတ်လောက်ရုံးပေါင်းစုံသွားပြီး လုပ်ရတယ်။ အနောက်တိုင်း Suit လည်း တစ်စုံမှ မရှိ၊ လေယာဉ်လည်း တစ်ခါမှ မစီးဘူး တဲ့သူက နိုင်ငံခြား သွားရမယ်ဆိုတော့ ကြောင်တောင်တောင်ရယ်၊ အတူသွားရမယ့် သူငယ်ချင်းက နိုင်ငံခြားမှာ လေးနှစ်လောက် ကျောင်းတက်ခဲ့ဘူးလို့ တော်သေးတယ်။ ဘယ်ပစ္စည်းကို လက်စွဲသေတ္တာထဲထည့်၊ ဘယ်ပစ္စည်းကိုတော့ လက်စွဲအိတ်ထဲထည့် စသည်ဖြင့် ဆောင်ရန် ရှောင်ရန်တွေ ပြောပြလို့ check in လုပ်တဲ့အချိန် သိပ်ပြီး အရစ်မခံ လိုက်ရဘူး။
တိုတိုပြောလိုက် ရင် Air Ticket တွေ ရလာတယ် ဆိုပါစို့။ ရန်ကုန် - ကွာလာလန်ပူ - ဒူဘိုင်း - ဒေလီ - မွန်ဘိုင်း - အင်ဒို ခရီးစဉ်က ဒီလိုလာတယ်။
ရန်ကုန် - ကွာလာလန်ပူ ပျံသန်းချိန် - (၂)နာရီ (၄၅) မိနစ် အကွာအဝေး - (၁၄၀၀) မိုင်
ကွာလာလန်ပူ - ဒူဘိုင်း ပျံသန်းချိန် - (၇) နာရီ (၁၅) မိနစ် အကွာအဝေး - (၃၄၅၀) မိုင်
ဒူဘိုင်း - ဒေလီ ပျံသန်းချိန် - (၃) နာရီ (၅) မိနစ် အကွာအဝေး - (၁၃၅၀) မိုင်
ဒေလီ - မွန်ဘိုင်း