Live Performance

I like live performance.

မဟာအတွက် ဖိုင်နယ်စာတမ်း ဖတ်ရတဲ့အချိန် မိုက်ခရိုဖုန်းကို ကော်လံမှာတပ်၊ Transmitter Box ကို ခါးပတ် နောက်မှာ ချိတ်ပြီး စင်ပေါ်တက်ရတဲ့ အခိုက်အတန့်ကို ကျွန်တော် သဘောကျတယ်။

အစအဆုံး English လိုပြောရမယ်ဆိုတော့ စိတ်ဖိစီးမှုရှိတယ်။ စနှုတ်ဆက်ကတည်းက အသံက ယိုင်တိုင်တိုင်။ ဒါပေမယ့် ကိုယ်ကျွမ်းကျင်လိမ်မာတဲ့ နယ်ပယ်က အကြောင်းတွေ ကို ပြောရတာဆိုတော့ နောက်ပိုင်း အင်္ဂလိပ်လို ပြောနေရပါလားဆိုတဲ့ language barrier ကို သက်တောင့်သက်သာ ကျော်ဖြတ်နိုင်လာတယ်။ စာတမ်းဖတ်တယ်ဆိုတာထက် တက်ပြီး ကြွားသလိုမျိုးပဲ။​

See what i have done. ဒီလိုမျိုး ကွန်ဖိဒန့်တွေ စိုးဟိုက်ပြီး ပြောတာ ပြောတာဆိုတာ Best Paper Award တွေဘာတွေပါ ရရော။

အဲ့ကတည်းက စင်ဆိုရင် သဘောတွေကျသွားတာလား မသိ။ နောက်ပိုင်း ကြုံရင် ကြုံသလို စင်ပေါ်တက်တက်ပြီး ကြွယ်တယ်။ India မှာ သင်တန်းတက်တော့လည်း နည်းပြက စာမေးတဲ့အခါ အောက်ကနေ မဖြေပဲ စင်ပေါ်တက်ပြီး ဆယ့်ငါ့မိနစ်လောက် leacture ရိုက်လိုက်တာ နောက်ပိုင်း ကျွန်တော့ကို စာမမေးတော့ဘူး။ သင်တန်းသား အချင်းချင်းပဲ လာလာမေးကြတော့တယ်။

အဲ့တုန်းက မှတ်မှတ်ရရ OOP နဲ့ Functional နဲ့ ဘာကွာလဲလို့ မေးတာ။ သင်တန်းသားတွေ က ပရိုဂရမ်းမင်းနယ်ပယ်က မဟုတ်ပေမယ် ့ဖတ်စာအုပ်ကို အရည်ကျိုသောက်ထားကြတာဆိုတော့ ဖြေကြတာများ ရွှန်းရွှန်းဝေလို့။ ကိုယ့်အလှည့်ရောက်လာတော့ စင်ပေါ်တက်ပြီး ပုံတွေဘာတွေဆွဲပြ။​ သူတို့စီမှာက သင်ထောက်ကူ ပစ္စည်းတွေ ပြည့်စုံတယ်ပြောရမယ်။

White Board က Interactive ဖြစ်တာ့

ပုံတွေ ဘာတွေ ဆွဲပြ။ Code တွေဘာတွေ Live ရေးပြပြီး ပရိုဂရမ်မာ ပေါက်စနတွေ နားလည်နိုင်မယ့် အနေအထား ရှင်းပြရတယ်။

ကိုယ့်ရဲ့ ငပိသံ အင်္ဂလိပ်ကို သည်းခံနားထောင်ပြီး သကာလ နောက်ပိုင်း အရက်ဝိုင်းမှာ ဆုံရင် စ ပြီ။ Aung တို့က ဒီကို နည်းပြလာလုပ်ရမှာပေါ့။ သင်တန်းသား အနေနဲ့ မလာသင့်ဘူး ဘာညာသာရကာ မူးလာရင် ပြောပြီ။

A wireless microphone transmitter can be worn on the waist in a belt pouch.